Buddugoliaeth i Gasnewydd yn eu cadw ar frig y tabl

Clwb Pêl-droed Casnewydd Image copyright Other

Telford 2-4 Casnewydd

Parhau i fod ar frig Uwchgynghrair Blue Square y mae Casnewydd ar ôl buddugoliaeth o 4-2 oddi cartref yn erbyn Telford nos Fawrth.

Doedd hi ddim yn noson i'w chofio i'r tîm cartref a orffennodd gyda naw dyn.

Telford aeth ar y blaen wedi 27 munud wrth i Kieron St Aimie sgorio cyn i Aaron O'Connor sicrhau bod y sgôr ar yr egwyl yn gyfartal.

Ond yn yr ail hanner aeth hi o ddrwg i waeth i'r tîm cartref.

Wedi pedwar munud yn unig o'r ail hanner sgoriodd Daniel Preston yn ei rwyd ei hun i roi mantais i'r ymwelwyr.

Cafodd St Aimie ei anfon oddi ar y cae ar ôl derbyn cerdyn coch am ymddygiad annerbyniol.

Llwyddodd Ismail Yakubu i roi'r ymwelwyr ymhellach ar y blaen cyn ergyd Andy Sandell i'r gornel chwith sicrhau'r fuddugoliaeth i Gasnewydd.

Ond dri munud yn ddiweddarach, ar ôl cael cerdyn melyn, fe wnaeth Sandell rwydo i'w rwyd ei hun i roi rhywfaint o gysur i Telford.

Fe welodd Preston gerdyn coch wedi 74 munud gyda'r tîm cartref yn gorffen y gêm efo naw dyn.

Bydd Casnewydd yn croesawu Grimsby i Rodney Parade ddydd Sadwrn.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1.CASNEWYDD 11 12 25
2. Forest Green 11 10 24
3. WRECSAM 11 11 22
4. Luton 11 11 20
5. Grimsby 11 3 20

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.