Tîm seiclo i Gymru

Felodrom Cenedlaethol Cymru, Casnewydd
Image caption Bydd Seiclo Cymru yn lansio eu tîm seiclo yn y Felodrom Cenedlaethol

Bydd Seiclo Cymru yn lansio eu tîm seiclo yn y Felodrom Cenedlaethol yng Nghasnewydd ar Hydref 3.

Cymru yw'r wlad gyntaf ymysg gwledydd Prydain i gael tîm ei hun.

Daw'r penderfyniad wedi llwyddiant seiclwyr Prydain yn y felodrom yn y Gemau Olympaidd a Pharalympaidd ym mis Awst.

Mae seiclwyr o Gymru wedi bod yn llwyddiannus iawn yn ystod y blynyddoedd diweddar, gan gynnwys Geraint thomas, Becky James ac Elinor Barker.

Enillodd Barker Bencampwriaeth Seiclo Ffordd y Byd dan 19 yr wythnos diwethaf.

Bydd y tîm yn cystadlu yng nghystadlaethau Cwpan y Byd yn Colombia, Glasgow a Mecsico yn 2012-13.

Straeon perthnasol