Stoke 2-0 Abertawe

Peter Crouch Image copyright Huw Evans picture agency
Image caption Peter Crouch oedd arwr y tîm cartref wrth sgorio dwy gôl yn y gêm yn erbyn Abertawe

Stoke 2-0 Abertawe

Fe wnaeth Abertawe golli eu trydedd gêm yn olynol wrth i Stoke fwynhau buddugoliaeth gartref.

Wedi 12 munud llwyddodd Peter Crouch i roi Stoke ar y blaen wrth benio'r bêl o gic cornel Glen Wheelan.

Dyma oedd ail gic gornel y tîm cartref a Crouch yn dod o unlle ac yn rhydd yn y cwrt i guro Michel Vorm .

Wedi 36 munud fe wnaeth Crouch ddyblu mantais y tîm cartref a dangos ei fod gystal ymosodwyr.

Cafodd ei ergyd wreiddiol ei harbed gan Vorm cyn iddi adlamu a Crouch yn ymateb gyflyma' i ganfod cefn y rhwyd.

Ail hanner gwell

Roedd 'na gwestiynau am amddiffyn Abertawe yn yr hanner cyntaf.

Ond roedd eu perfformiad yn well yn yr ail hanner.

Er bod pêl-droed Abertawe yn daclus doedd ar gyfnodau yn yr ail hanner roedd y bas olaf yn esgeulus.

Mae mis mêl y rheolwr Michael Laudrup yn sicr ar ben ond er nad ydi hi'n argyfwng, gyda'r tîm yn yr 11fed safle yn tabl, fe fyddai buddugoliaeth yn rhoi hwb sylweddol.

Roedd y canlyniad yma yn adlais o'r un sgôr ag a gafwyd y tymor diwethaf.

Bydd Yr Elyrch yn gobeithio am dri phwynt yn erbyn Reading yn y Liberty y penwythnos nesaf.

TABL UWCHGYNGHRAIR
Gemau Gwahaniaeth Goliau Pwyntiau
1. Chelsea 6 8 16
2. Man Utd 5 6 13
3. Everton 6 6 12
4. Fulham 6 5 10
5. Man City 6 3 10
11. ABERTAWE 6 1 7

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.