Caerdydd 2-1 Birmingham

Y capten Mark Hudson seliodd y fuddugoliaeth
Image caption Y capten Mark Hudson seliodd y fuddugoliaeth

Caerdydd 2-1 Birmingham

Mae record cant y cant Caerdydd adref yn Stadiwm Dinas Caerdydd yn parhau gyda buddugoliaeth yn erbyn Birmingham, gan eu codi i frig y bencampwriaeth.

Llwyddodd y tîm cartref i guro record wych tîm Caerdydd yn 1959, a enillodd eu pedair gêm gynghrair gyntaf gartref mewn tymor. Cododd y tîm i'r brif adran ar ddiwedd tymor 1959-60.

Mae'r tîm presennol nawr wedi ennill eu pump gêm gynghrair gyntaf gartref.

Peter Whittingham a Mark Hudson gyfunodd i roi'r cyfle i Craig Bellamy i sgorio wedi 39 munud.

Leroy Lita, ar fenthyg o Abertawe, gosbodd trosedd Mark Hudson i ddod â'r sgôr yn gyfartal o gic rydd o 10 llath wedi 53 munud.

A'r capten Hudson seliodd y fuddugoliaeth wrth sgorio o flaen y gôl yn dilyn cic gornel Peter Whittingham dair munud yn ddiweddarach.

TABL Y BENCAMPWRIAETH
GEMAU GWAHANIAETH GOLIAU PWYNTIAU
1.CAERDYDD 9 7 19
2. Caerlyr 9 6 18
3. Brighton 9 9 17
4. Blackpool 9 7 16
5. Wolves 9 4 16
6. Crystal Palace 9 0 16

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.