Uwchgynghrair Blue Square

Wrecsam a Chasnewydd Image copyright bbc

Tamworth 1-2 Casnewydd

Mae Casnewydd wedi dychwelyd i frig y gynghrair, diolch i goliau Ismael Yakubu ac Aaron O'Connor.

Fe wnaeth yr amddiffynnwr Yakubu benio i mewn o'r postyn pellaf o gornel Jake Thomson yn hwyr yn yr hanner cyntaf.

Roedd gôl Adam Cunnington yn rhyfeddol o debyg wrth i Tamworth ddod yn gyfartal wedi 61 munud.

Ond fe wnaeth O'Connor ergydio y tu mewn i'r cwrt cosbi i roi Casnewydd nôl ar y brig.

Wrecsam 2-1 Forest Green

Fe wnaeth Wrecsam fwrw Forest Green oddi ar frig y gynghrair, gan wneud ffafr â Chasnewydd wrth wneud.

Y Dreigiau aeth ar y blaen wrth i Adrian Cieslewicz ergydio o ymyl y cwrt cosbi i gornel chwith uchaf y gôl.

Cieslewicz ddyblodd y fantais, y tro hwn wedi 73 munud o du mewn y cwrt.

James Norwood sgoriodd i'r ymwelwyr gan sicrhau diweddglo cyffrous i'r gêm.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1. CASNEWYDD 13 13 29
2. Forest Green 13 12 27
3. WRECSAM 13 12 26
4. Luton 13 6 26
5. Dartford 13 10 25

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.