Casnewydd yn ymestyn eu mantais

Clwb Pêl-droed Casnewydd Image copyright Other

Casnewydd 1-0 Ebbsfleet

Mae Casnewydd wedi llwyddo i aros ar frig y gynghrair, diolch i gôl gan Ismael Yakubu.

Wedi dechrau sigledig, Casnewydd gafodd y gorau o'r chwarae am fwyafrif y gêm.

Wedi hanner awr y daeth unig gôl y gêm. Yakubu beniodd i gefn y rhwyd o groesiad Andy Sandell.

Cyn hynny daeth ergyd i dîm Justin Edinburgh pan gafodd Danny Crow anaf olygodd ei fod yn gorfod gadael y maes.

Ond fe ddaeth Jefferson Louis ymlaen yn ei le gan greu argraff.

Er hynny, fe gafodd yr ymwelwyr well hwyl ar bethau wedi'r egwyl, ac roedd rhaid i Lenny Pidgeley fod yn effro fwy nag unwaith yn y gôl i Gasnewydd.

Daeth hwb pellach i Gasnewydd gan i dri o'r timau eraill oedd ym mhump uchaf y tabl cyn gemau nos Fawrth - Forest Green, Luton a Dartford - i gyd golli.

Wrecsam yw'r pumed, ac fe fyddan nhw'n chwarae nos Fercher.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1. CASNEWYDD 14 14 32
2. Forest Green 14 11 27
3. WRECSAM 13 12 26
4. Luton 14 5 26
5. Dartford 14 7 25

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.