Disgwyl i 50 o swyddi ddiflannu yn Ngresffordd ger Wrecsam

Potel blastig
Image caption Mae'r ffatri'n cynhyrchu cynwysyddion plastig

Mae disgwyl y bydd bron 50 o swyddi'n diflannu mewn ffatri sy'n cynhyrchu cynwysyddion plastig yng Ngresffordd ger Wrecsam.

Eisoes mae cwmni APPE, sy'n cyflogi 264, wedi dechrau ymgynghori ag undeb Unite.

Dywedodd fod rhai cwsmeriaid wedi symud i gyfandir Ewrop oherwydd yr hinsawdd economaidd.

Ond, meddai, gallai newid y strwythur rheoli arwain at greu 16 o swyddi.

"Mae natur ein busnes yn newid oherwydd y farchnad," meddai Chris Brown, Cyfarwyddwr Busnes Prydain ac Iwerddon.

"Rydym yn ystyried newid y shifftiau mewn un adran oherwydd y newid mewn galw.

"Ond mae dyfodol y ffatri'n ddiogel ...

"Rydym yn gresynu at y diswyddiadau ond mae angen creu busnes cadarn a sefydlog ar gyfer dyfodol tymor hir."

Straeon perthnasol