Catherine Gowing: Ehangu'r chwilio am filfeddyg

Police search at lake Image copyright PA/Andrew Price/Viewfinder
Image caption Hyd yma mae'r chwilio am Catherine Gowing wedi canolbwyntio ar safle hen chwarel

Mae'r heddlu sy'n chwilio am y milfeddyg Catherine Gowing yn chwilio mewn sawl safle yn Sir y Fflint yn dilyn nifer fawr o alwadau gan y cyhoedd.

Dywedodd Heddlu'r Gogledd bod eu swyddogion yn ceisio sefydlu arwyddocâd y safleoedd.

Diflannodd Ms Gowing ar ddydd Gwener, Hydref 12, pan y gwelwyd yn gadael archfarchnad yn Queensferry.

Tan ddydd Mercher, mae'r chwilio wedi canolbwyntio ar safle hen chwarel yn Alltami lle daeth yr heddlu o hyd i'w char wedi ei losgi.

Dywedodd yr heddlu fod pabell o osodwyd yn Manor Lane yn Sealand yn "offer cyffredin" ac nad oedd fwy o wybodaeth ar gael.

Ddydd mawrth dywedodd Sarjant Neil Parks o Heddlu'r Gogledd: "Mae'n bwysig i ni beidio disgyn i'r fagl o chwilio er mwyn chwilio.

"Mae'n rhaid i'r chwilio fod ar sail gwybodaeth ddibynadwy, ac fe fydd y chwilio yn parhau tan i'r wybodaeth yna ddod i ben.

"Does dim byd wedi newid. Mae'r sylw yn parhau ar ddod o hyd i Catherine."

Mae Clive Sharp, 46 oed, wedi cael ei gadw yn y ddalfa ar gyhuddiad o lofruddio Ms Gowing tan iddo ymddangos eto yn y llys ar Ionawr 7, 2013.

Straeon perthnasol