Cyd-yrrwr ralïo o Gemaes yn yr ysbyty

Andrew Edwards Image copyright Andrew Edwards
Image caption Y disgwyl yw y caiff Andrew Edwards adael yr ysbyty ddydd Mercher

Mae cyd-yrrwr ralïo wedi cael anafiadau i'w ben a'i ysgyfaint ar ôl damwain yn ystod cystadleuaeth yn nwyrain Lloegr.

Cafodd Andrew Edwards o Gemaes ger Machynlleth ei anafu pan adawodd ei gar y ffordd yn ystod rali ddydd Sul.

Cafodd ei gludo i'r ysbyty yn Newcastle cyn cael triniaeth yn yr uned gofal dwys yno.

Cafodd ei drosglwyddo i ward arall ddydd Mawrth a disgwylir iddo adael yr ysbyty ddydd Mercher.

Subaru Impreza

Roedd Edwards yn gyd-yrrwr i Elfyn Evans pan wnaethon nhw ennill cystadleuaeth ralio ifanc Prydain yn 2010.

Daeth Evans ac Edwards yn ail ym Mhencampwriaeth Ralio Prydain y llynedd.

Edwards oedd cyd-yrrwr Richard Clews yn y rali yn Otterburn, Sir Northumberland pan adawodd y Subaru Impreza y ffordd dros y penwythnos.

Dioddefodd Clews fân anafiadau yn y ddamwain.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.