Cerddwr 72 oed wedi marw

Hofrennydd Image copyright Arall
Image caption Cyrhaeddodd hofrennydd o Ganolfan Awyrlu'r Fali

Bu farw cerddwr 72 oed ddydd Gwener ar ôl iddo syrthio 200 troedfedd yn Eryri.

Roedd y dyn yn cerdded gyda phump o gyfeillion pan syrthiodd ar lethr ar fynydd Y Garn.

Cafodd naw aelod Tîm Achub Mynydd Aberglaslyn eu hanfon o Borthmadog ychydig cyn 2pm.

Cyrhaeddodd hofrennydd o Ganolfan Awyrlu'r Fali ac aed â'r dyn i Ysbyty Gwynedd, Bangor.

Wedyn cyhoeddwyd ei fod wedi marw.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.