Abertawe 0-0 Lerpwl

Abertawe v Lerpwl Image copyright Huw Evans picture agency

Bu'n rhaid i Abertawe fodloni ar un pwynt yn erbyn eu cyn reolwr Brendan Rodgers.

Di-sgor oedd hi ar Stadiwm y Liberty gan olygu fod Abertawe yn codi i'r wythfed safle yn yr Uwchgynghrair.

Ashely Williams ddaeth agosaf i'r tîm cartref, ei beniad cryf yn cael ei glirio oddi ar y llinell gan gyn chwaraewr yr Elyrch Joe Allen.

Llwyddodd Jose Enrique i gael y bel yn y rhwyd ond penderfynodd y dyfarnwr ei fod o'n cam sefyll.

Daeth Raheem Sterling hefyd yn agos i'r ymwelwyr, ei foli yn taro yn erbyn y trawst.