Wrecsam 6-1 Nuneaton

Wrecsam 6-1 Nuneaton

Mae Wrecsam yn ail ac yn uwch na Chasnewydd wedi iddyn nhw roi crasfa i Nuneaton.

Roedd hi'n 3-0 ar yr egwyl - Johnny Hunt yn rhwydo o 20 llath cyn i'r rheolwr Andy Morrell a Neil Ashton benio.

Taniodd Robert Ogleby o ymyl y cwrt cosbi ac Adrian Cieslewicz oedd biau'r bumed o 35 llath.

Roedd cic gosb Ashton wedi i Adam Walker droseddu yn erbyn Dean Keates yn goron ar y cyfan.

Perfformiad campus ar wahân i'r 20 munud gynta'.

Kidderminster 3-2 Casnewydd

Image caption Sgoriodd Jamille Matt dair gôl yn erbyn Casnewydd

Mae Casnewydd wedi ildio eu lle ar frig y gynghrair wrth i Jamille Matt sgorio tair gôl yn erbyn y Cymry.

Roedd Casnewydd 2-1 ar y blaen ar yr egwyl oherwydd goliau Michael Smith a Lee Evans.

Tri phwynt arall i Kidderminster sy' wedi ennill pum gêm yn olynol.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.