Lee Byrne wedi torri asgwrn yn ei gefn

Lee Byrne Image copyright Getty Images
Image caption Enillodd clwb Lee Byrne, Clermont Auvergne, dros y penwythnos

Fydd cefnwr Cymru Lee Byrne ddim yn chwarae tan ar ôl y Flwyddyn Newydd ar ôl torri asgwrn yn ei gefn.

Cafodd y chwaraewr 32 oed yr hanaf yn ystod gêm ei dîm Clermont Auvergne pan wnaethon nhw drechu Leinster yng Nghwpan Heineken o 28-21.

Mewn datganiad fe wnaeth y tîm o Ffrainc gadarnhau iddo dorri ei bumed fertebra.

Dydi Byrne ddim wedi chwarae dros Gymru ers iddo ennill ei 46ain cap yng Nghwpan y Byd 2011.

Ymunodd a'r clwb yn Ffrainc at gytundeb am dri thymor ar ddechrau tymor 2011-12 ond wnaeth o ddim ymuno a'r garfan tân ar ôl y bencampwriaeth yn Seland Newydd.

Er ei anaf mae Byrne, enillodd y Gamp Lawn gyda Chymru yn 2005 a 2008, yn dal yn un sy'n cael ei ystyried ar gyfer dyletswyddau rhyngwladol.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.