Anafu dau heddwas mewn damwain

Cafodd dau Swyddog Cymunedol Cynorthwyol eu torri'n rhydd o'u cerbyd yn dilyn gwrthdrawiad gyda lori ger Pwllheli yng Ngwynedd.

Nid yw'r anafiadau a gafodd y ddau swyddog - un benywaidd ac un gwrywaidd - yn peryglu eu bywydau.

Fe gafodd gyrrwr y lori ei arestio ar amheuaeth o yrru'n beryglus. Ni chafodd yntau anaf.

Digwyddodd y gwrthdrawiad ar yr A499 ym Mhlas Gwyn am hanner dydd ddydd Mercher, ac fe gafodd y ddau eu cludo mewn hofrennydd i Ysbyty Gwynedd ym Nangor.

Roedd y ddau swyddog mewn car Ford Fusion, ac roeddynt yn dychwelyd i'r orsaf heddlu leol ar ddiwedd sesiwn hyfforddi.

Cafodd y ffordd ei chau am gyfnod, ac mae'r heddlu yn apelio am dystion i'r digwyddiad.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.