Bethan Jenkins yn aelod llawn eto

Bethan Jenkins
Image caption Mae Bethan Jenkins wedi ymddiheuro'n gyhoeddus ac i Aelodau Cynulliad Plaid Cymru

Mae Plaid Cymru wedi codi'r gwaharddiad ar yr Aelod Cynulliad Bethan Jenkins wedi iddi gael ei dal yn yfed a gyrru.

Fis diwetha' cafodd ei gwahardd rhag gyrru am 20 mis a dirwy o £750, costau o £85 a gorchymyn i ddilyn cwrs ail-hyfforddiant cyn cael ailgychwyn gyrru.

Roedd yr Aelod Cynulliad dros Orllewin De Cymru wedi cael ei diarddel o grŵp Plaid Cymru yn y Cynulliad dros dro.

Dywedodd Cadeirydd Grŵp Plaid Cymru yn y Cynulliad, Alun Ffred Jones AC: "Mae Bethan wedi ymddiheuro yn gyhoeddus a hefyd wedi ymddiheuro'n llawn i ACau Plaid Cymru heddiw.

'Aelod llawn'

"Nid yw bellach wedi ei diarddel o'r grŵp yn y Cynulliad ac mae hi nawr yn aelod llawn unwaith eto. Mae proses disgyblu'r grŵp bellach wedi dod i ben."

Pan gafodd hi brawf anadlu gan yr heddlu yng Nghaerdydd yn oriau mân y bore ar Hydref 14 y llynedd, roedd lefel yr alcohol yn ei chorff ddwywaith y lefel gyfreithlon.

Clywodd Llys Ynadon Caerdydd ei bod yn droednoeth ac yn gwisgo dillad nos.

Mewn datganiad ar y pryd dywedodd Ms Jenkins ei bod yn edifar yn fawr ac yn ceisio ymdopi ag iselder.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.