Alfreton 1-2 Wrecsam

Clwb Pêl-droed Wrecsam Image copyright Other

Alfreton 1-2 Wrecsam

Mae Wrecsam wedi esgyn i frig y gynghrair yn dilyn buddugoliaeth galed yn Alfreton nos Fawrth.

Does dim dwywaith mai Alfreton gafodd y gorau o'r chwarae gydol y gêm, ond er hynny Wrecsam aeth ar y blaen wedi 17 munud diolch i gynnig Neil Ashton ar ôl gwaith da Danny Wright.

Doedd dim amheuaeth chwaith bod y tîm cartref yn haeddu bod yn gyfartal, a dyna ddigwyddodd wedi 33 munud pan sgoriodd Ben Tomlinson i unioni'r sgôr.

Cyfartal ar yr egwyl felly, ond roedd hi'n ymddangos bod gobeithion Wrecsam o godi i'r brig wedi diflannu wedi 52 o funudau pan welodd Danny Wright ei ail gerdyn melyn - ac felly un coch.

Ond brwydrodd y deg dyn yn ddewr i aros yn y gêm, a hynny er i Alfreton gael llawer mwy o ergydion at y gôl, a mwyafrif y meddiant.

Roedd rhaid aros tan 75 munud cyn i Wrecsam gael eu hail ergyd at y gôl, ond yn wyrthiol fe aeth y ddwy i gefn y rhwyd - Joe Clarke yn rhoi'r ymwelwyr ar y blaen.

Fe ddaliodd y deg dyn yn gadarn tan y chwib olaf i roi hwb go iawn i obeithion Wrecsam o esgyn i'r gynghrair bêl-droed y tymor nesaf.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1. WRECSAM 27 25 50
2. Grimsby 26 24 48
3. CASNEWYDD 25 14 46
4. Forest Green 25 17 44
5. Luton 24 10 42

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.