Bayonne 25-22 Dreigiau

Mike Phillips Image copyright AFP
Image caption Yr eiliad dyngedfennol: Cais Mike Phillips

Cais y Cymro, Mike Phillips, seliodd fuddugoliaeth Bayonne yn erbyn y Dreigiau yn Ne Ffrainc nos Iau.

Roedd hyn yn dorcalonnus i'r Dreigiau wedi eu hymdrech arwrol.

Yn yr hanner cynta' sgoriodd capten y Dreigiau, Lewis Evans, wedi fflach o ysbrydoliaeth.

Roedd y Dreigiau wedi dechrau'n betrusgar cyn magu hunanhyder ac olwyr y Ffrancod yn aml yn ling-di-long.

Am ran fwya'r ail hanner llwyddodd y Cymry i wrthsefyll her gorfforol y Ffrancod ond yn y pen draw roedd y tanc yn wag.

Yn anodd

Roedd hyfforddwr y Cymry Darren Edwards wedi dweud y byddai'r gêm yng Nghwpan Amlin yn anodd bum niwrnod ers colli i Connacht.

"Mae angen egni a chanolbwyntio.

"Y gêm yn erbyn Connacht oedd y drydedd o fewn 10 diwrnod ac roedd hynny'n amlwg yn ystod y 30 munud gynta'.

"Yn sicr, mae gêm yn Stade Jean Dauger yn Ne Ffrainc ar nos Iau yn heriol."

Collodd y Dreigiau 22-19 gartre' yn erbyn Bayonne ym mis Hydref.

Timau

Bayonne: Sam Gerber; Gabriele Lovobalavu, Thibault Lacroix, Lionel Mazars (capten), Bastien Fuster; Jacques-Louis Potgieter, Guillaume Rouet; Pierre-Philippe Lafond, Anthony Etrillard, Renaud Boyoud, Rob Linde, Matt Graham, Abdellatif Boutaty, Jean Jo Marmouyet, Marc Baget-Rabarou.

Eilyddion: David Roumieu, Nemiah Tialata, Marc Legras, Dewald Senekal, Julien Puricelli, Mike Phillips, Manu Ahotaeiloa, Matthieu Ugalde.

Dreigiau: Tom Prydie; Will Harries, Adam Hughes, Andy Tuilagi, Mike Poole; Steffan Jones, Jonathan Evans; Owen Evans, Hugh Gustafson, Nathan Buck, Adam Jones, Rob Sidoli, Jevon Groves, Lewis Evans (capten), Ieuan Jones.

Eilyddion: Sam Parry, Nathan Williams, Tim Ryan, Andrew Coombs, Toby Faletau, Wayne Evans, Ashley Smith, Jack Dixon.

Dyfarnwr: Andrew Small (Lloegr)

Y gic gynta': 7.45pm

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.