Damwain: Tri yn yr ysbyty

  • 23 Ionawr 2013

Mae tri o bobl yn cael triniaeth yn yr ysbyty yn dilyn damwain yn Sir Gaerfyrddin fore Mercher.

Cafodd Gwasanaeth Tân ac Achub Canolbarth a Gorllewin Cymru eu galw wedi i fws mini ddisgyn ar ei ochr yn Drefach ger Meidrim tua 10:15am.

Mae'r digwyddiad yn golygu fod Ffordd Bancyfelin wedi ei chau.

Yn ôl y Gwasanaeth Tân, cafodd tri o bobl eu cludo i'r ysbyty.

Yn y cyfamser bu gwrthdrawiad rhwng bws a char ar Heol Llanelli yn Nhrimsaran fore Mercher.

Dywed y gwasanaeth tân fod un person wedi ei drin gan griw ambiwlans yn y fan a'r lle.