Sunderland 0-0 Abertawe

Sunderland 0-0 Abertawe

Fe fyddai rhywun wedi maddau i Abertawe am fod a'u meddyliau ar bethau eraill gydag ymweliad â Wembley i ddod ymhen mis, ond roedd tîm Michael Laudrup wedi gwneud digon i ennill yn y Stadium of Light nos Fawrth.

Llwyddodd yr Elyrch i atal y tîm cartref rhag cael ergyd at y gôl bron drwy'r gêm, a lwyddo hefyd i danio dros bymtheg o weithiau at gôl Sunderland.

Ond rhwng y pyst i'r tîm cartref roedd golwr rhyngwladol Gwlad Belg, Simon Mignolet, a ddangosodd pam y bydd rhaid i Gymru bryderu pan fydd y ddwy wlad yn cwrdd yn rowndiau rhagbrofol Cwpan y Byd yn ddiweddarach eleni.

Arbedodd Mignolet gynigion gan Ben Davies, Nathan Dyer a Dwight Tiendalli ymhlith eraill.

Mae'n dweud cyfrolau am berfformiad Abertawe y tymor hwn bod y tîm yn ymddangos yn siomedig gyda phwynt oddi cartref, ond mae'n bwynt sy'n eu codi i'r wythfed safle yn y tabl gyda 34 pwynt.

Roedd 37 pwynt yn ddigon i gadw QPR yn yr Uwchgynghrair ar ddiwedd y tymor diwethaf, ac mae Abertawe o fewn un fuddugoliaeth i'r nod yna a hithau ond yn fis Ionawr.

TABL UWCHGYNGHRAIR LLOEGR
Gemau Gwahaniaeth Goliau Pwyntiau
1. Man United 23 27 56
2. Man City 24 26 52
3. Chelsea 23 25 45
4. Tottenham 23 12 41
5. Everton 23 9 38
8. ABERTAWE 24 7 34

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.