Damwain farwol: Cyhoeddi enw

Mae'r heddlu sy'n ymchwilio i ddamwain farwol yn Sir Ddinbych wedi cyhoeddi enw dyn 31 oed.

Y dyn oedd Stefan James Bowdley.

Cafodd yr heddlu eu galw i ffordd yr A525 yn Llandegla ger tafarn Y Plough toc wedi 11:30pm nos Fercher.

Roedd y dyn ag anafiadau difrifol iawn ar ymyl y ffordd a bu farw'n ddiweddarach.

Mae dyn lleol yn y ddalfa.

Dywedodd yr heddlu eu bod yn ymchwilio i'r posibilrwydd o daro a ffoi.

Dylai unrhywun â gwybodaeth ffonio Heddlu Gogledd Cymru ar 101 neu Taclo'r Tacle ar 0800 555111.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.