'Tân wedi ei gynnau'n fwriadol'

  • 2 Chwefror 2013
TJ's
Mae`r Manic Street Preachers, Oasis, a Catatonia wedi gigio yn TJ's

Mae ymchwiliad ar y gweill wedi tân yn yr adeilad a arferai fod yn gartref i glwb nos Tj's yng Nghasnewydd yn ystod oriau mân fore Sadwrn.

Mae'r gwasanaethau brys yn credu bod y tân wedi ei gynnau'n fwriadol.

Aeth criwiau tân yno o Faendy, Malpas, Dyffryn a Chwmbrân, wedi'r alwad am 2.08am.

Cafodd yr adeilad roddodd lwyfan i rai o fandiau enwocaf y byd ei werthu mewn ocsiwn yn 2011.

Mae`r Manic Street Preachers, Oasis, a Catatonia wedi gigio yn TJ's ond fe gaeodd y clwb yn 2010 yn dilyn marwolaeth y perchennog.

Credir bod y tân ar drydydd llawr yr adeilad.