Lladrad arfog mewn siop

  • 3 Chwefror 2013

Mae'r heddlu'n apelio am wybodaeth ar ôl i ladron arfog ddwyn cannoedd o bunnau o siop sy'n gwerthu gwin yn Abertawe.

Aeth dau ddyn i mewn i siop Dylan's yn Sgeti tua chanol dydd, ddydd Sadwrn gan fygwth perchennog y siop gyda gwn, cyn dianc mewn fan.

Ni chafodd neb eu hanafu yn y digwyddiad.

Dylai unrhyw un â gwybodaeth gysylltu â Heddlu'r De ar 101 neu Daclo'r Taclau yn ddienw ar 0800 555 111.