Dal dyn ddihangodd o garchar agored

Brian Grady Image copyright Avon and somerset police
Image caption Dihangodd Brian Grady, 26 oed (ei enw arall yw Brian Revill) ar Ionawr 14.

Mae'r heddlu wedi dal dyn 26 oed ddihangodd o garchar agored yng Nghymru ar Ionawr 14.

Cafodd Brian Grady, (ei enw arall yw Brian Revill), 26 oed, ei garcharu am lofruddio a lladrata.

Cafodd y dyn o Fryste isafswm o 11 mlynedd o garchar yn 2003 am lofruddio Liam Attwell.

Roedd Mr Attwell wedi ei drywanu pan heriodd griw o bobl ifanc oedd yn ceisio dwyn ffôn symudol.

Daeth yr heddlu o hyd iddo yn ardal Bryste.

Pan oedd Grady ar ffo cafodd menyw 34 oed o Fryste ei chyhuddo o helpu llofrudd ddianc o garchar agored Prescoed yn Sir Fynwy.

Yr wythnos ddiwetha' plediodd yn euog i'r cyhuddiad a bydd yn cael ei dedfrydu yn Llys y Goron Caerdydd ar Chwefror 15.

Straeon perthnasol