FIFA: Cymru yn codi 13 lle

Cymru v Yr Alban Hydref 2012 Image copyright Getty Images
Image caption Wedi curo'r Alban fis Hydref bydd Cymru yn teithio yno ar Fawrth 22

Mae Cymru wedi codi 13 lle ar restr detholion y byd.

Yn rhestr y corff rheoli pêl-droed, FIFA, mae Cymru wedi codi i rif 68, bedwar lle yn is na'r Alban sydd yn yr un grŵp â nhw yn y gemau rhagbrofol ar gyfer Cwpan Pêl-droed y Byd 2014.

Bydd Cymru'n herio'r Alban oddi-cartref yn eu gêm nesaf ar Fawrth 22 cyn chwarae yn erbyn Croatia yn Stadiwm Liberty yn Abertawe bedwar diwrnod yn ddiweddarach.

Yn ôl rhestr FIFA, mae Croatia yn y nawfed safle ar hyn o bryd.

Y timau eraill yng ngrŵp Cymru yw Gwlad Belg, Serbia a Macedonia.

Mae Gwlad Belg heb symud o'r 10fed safle ond mae Serbia wedi codi un safle i rif 36 ac mae Macedonia wedi codi pum safle i 83.

Rhestr detholion FIFA - Tachwedd 2012
Safle Pwyntiau Newid
1. Sbaen 1590 0
2. Yr Almaen 1437 0
3. Yr Ariannin 1281 0
4. Lloegr 1160 +2
5. Yr Eidal 1157 -1
6. Colombia 1129 -1
6. Portiwgal 1129 +1
-----------------------------------------------------------------------------------------
39. Gweriniaeth Iwerddon 634 +2
64. Yr Alban 511 +5
68. CYMRU 493 +13
102. Gogledd Iwerddon 354 -4

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.