Damwain farwol: Heddlu'n apelio

  • 15 Chwefror 2013

Mae Heddlu Dyfed-Powys yn apelio am dystion ar ôl i ddyn farw oherwydd gwrthdrawiad rhwng beic modur a dau gar brynhawn Iau.

Roedd y gwrthdrawiad rhwng beic modur Yamaha, Ford Focus glas a Peugeot 308 arian ar yr A40 rhwng Treletert ac Abergwaun toc wedi 4pm ddydd Iau.

Bu farw y beiciwr modur yn y fan a'r lle ac mae teulu'r dyn 25 oed a'r crwner wedi eu hysbysu.

Roedd yr A40 ynghau i'r ddau gyfeiriad rhwng Cylchfan Llwynhelyg ac Abergwaun am gyfnod nos Iau.

Dylai unrhywun â gwybodaeth gysylltu â Heddlu Dyfed-Powys ar 101.