Warburton a Jones yn ôl ar y fainc

Sam Warburton Image copyright Getty Images
Image caption Bydd Sam Warburton yn dychwelyd i'r fainc yn dilyn ei anaf

Mae hyfforddwr dros dro tîm rygbi Cymru, Rob Howley, wedi cyhoeddi'r garfan derfynol o 23 ar gyfer y gêm yn yr Eidal y penwythnos yma.

Roedd Howley wedi cadarnhau yr wythnos diwethaf y byddai'r 15 fydd yn dechrau'r gêm yn aros yr un peth â'r tîm a gurodd Ffrainc bythefnos yn ôl.

Ond wrth enwi ei garfan daeth y newyddion y bydd dau newid ar y fainc, gyda Sam Warburton ac Alun Wyn Jones yn dychwelyd yn lle Aaron Shingler a Lou Reed.

Dywedodd Howley: "Roedden ni wedi cyhoeddi'n barod y bydden ni'n gwobrwyo'r 15 a gurodd Ffrainc drwy gadw ffydd gyda'r un tîm ar gyfer yr Eidal.

"Mae'r tîm yn barod i fynd, ac rydym wedi ychwanegu Sam ac Alun Wyn sydd ill dau wedi gwella o anafiadau sydd yn hwb i'r garfan.

"Yn Ffrainc, fe ddangosodd y tîm benderfyniad a dycnwch, ac fe fydd angen hynny eto yn Rhufain.

"Mae'r Eidal wedi dangos eu gallu yn y gystadleuaeth eisoes, ac rydym yn ymwybodol o'r her fydd yn ein hwynebu ddydd Sadwrn."

Tîm Cymru v. Yr Eidal: Stadio Olimpico Rhufain; Dydd Sadwrn, Chwefror 23, 2013.

15 - Leigh Halfpenny (Gleision);

14 - Alex Cuthbert (Gleision); 13 - Jonathan Davies (Scarlets); 12 - Jamie Roberts (Gleision); 11 - George North (Scarlets);

10 - Dan Biggar (Gweilch); 9 - Mike Phillips (Bayonne);

1 - Gethin Jenkins (Toulon); 2 - Richard Hibbard (Gweilch); 3 - Adam Jones (Gweilch);

4 - Andrew Coombs (Dreigiau); 5 - Ian Evans (Gweilch);

6 - Ryan Jones (Gweilch, Capten); 7 - Justin Tipuric (Gweilch); 8 - Toby Faletau (Dreigiau)

Eilyddion :-

Ken Owens (Scarlets), Paul James (Caerfaddon), Craig Mitchell (Caerwysg), Alun Wyn Jones (Gweilch), Sam Warburton (Gleision), Lloyd Williams (Gleision), James Hook (Perpignan), Scott Williams (Scarlets).

Straeon perthnasol