Casnewydd 2-1 Telford

Image copyright Other

Casnewydd 2-1 Telford

Gan nad oedd Grimsby na Wrecsam gêm gynghrair y penwythnos hwn roedd yna gyfle gwych i Gasnewydd fanteisio a chlosio at frig y tabl wrth groesawu Telford i Rodney Parade.

Digon di-fflach oedd yr hanner cyntaf, ond cyn pen awr o chwarae, y tîm cartref aeth ar y blaen wrth i Christian Jolley rwydo.

Daeth cyfleoedd i'r ddau dîm er bod bwlch mawr rhwng y ddau yn y tabl, ond tîm Justin Edinburgh gafodd yr ail gôl allweddol gyda Danny Crow yn rhwydo wedi 75 munud.

Cafodd cefnogwyr gip cyntaf i weld eu hymosodwr newydd Rhys Griffiths - gynt o Lanelli a Plymouth Argyle - pan ddaeth ymlaen fel eilydd am y deng munud olaf.

Fe gafodd yr ymwelwyr gôl gysur yn y funud olaf diolch i Phil Trainer, ond doedd hynny ddim yn ddigon.

Roedd hon yn fuddugoliaeth bwysig i Gasnewydd, a gan fod ganddyn nhw gemau wrth gefn ar y timau sydd uwch eu pennau, fell all Casnewydd godi i'r brig erbyn yr wythnos nesaf.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1. WRECSAM 32 29 61
2. Kidderminster 33 24 59
3. CASNEWYDD 31 19 59
4. Grimsby 31 27 58
5. Forest Green 33 20 56

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.