April Jones: Gohirio achos Mark Bridger

April Jones Image copyright PA
Image caption Diflannodd April Jones ar Hydref 1 2012

Mae'r barnwr yn achos y dyn sydd wedi ei gyhuddo o gipio a llofruddio'r ferch bum mlwydd oed April Jones wedi gohirio'r achos.

Image copyright Getty Images
Image caption Mae Mark Bridger yn gwadu cipio a llofruddio April Jones

Roedd disgwyl i'r achos yn erbyn Mark Bridger, 47 oed, gychwyn ddydd Llun yn Llys y Goron Yr Wyddgrug.

Ond fe wnaeth y barnwr Mr Ustus Griffith-Williams ohirio'r achos ar gais yr amddiffyniad.

Mae Mr Bridger yn gwadu'r cyhuddiad o gipio a llofruddio'r ferch o Fachynlleth.

Mae o hefyd yn gwadu cyhuddiad o wyrdroi cwrs cyfiawnder wedi diflaniad April ym mis Hydref y llynedd.

Fe fydd yr achos yn cychwyn ar Ebrill 29.

Mae ymgais Heddlu Dyfed Powys i ddod o hyd iddi yn parhau.

Wedi iddi ddiflannu, fe ddechreuodd un o'r ymgyrchoedd chwilio mwyaf yn hanes yr heddlu yn y DU.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.