Achub dau gerddwr oddi ar Dwll Du yn Eryri

Map
Cafwyd hyd i'r ddau gan gi achub

Mae dau gerddwr wedi eu hachub wedi iddyn nhw dreulio noson ar fynydd yn Eryri.

Cafodd y ddau o Surrey eu hachub gan griw hofrennydd oddi ar Dwll Du sy'n rhan o'r Glyderau.

Cafodd y gwasanaethau brys eu hysbysu gan ffrind i'r ddau oedd yn poeni amdanyn nhw wedi iddyn nhw fethu â cherdded oddi ar y mynydd cyn iddi dywyllu nos Lun.

Cafwyd hyd i'r ddau gan gi achub sy'n rhan o dîm Achub Mynydd Dyffryn Ogwen.

Ni chafodd y ddau eu hanafu.