Cymru'n rhyddhau chwe chwaraewr i'w rhanbarthau

  • 27 Chwefror 2013
Alun Wyn Jones
Fe wnaeth Alun Wyn Jones ddod oddi ar y fainc ym muddugoliaeth Cymru o 26-9 yn erbyn Yr Eidal

Mae hyfforddwyr Cymru wedi rhyddhau saith o chwaraewyr o'u carfan er mwyn iddyn nhw fod ar gael i'w rhanbarthau dros y penwythnos.

Bydd Aaron Shingler, Matthew Rees a Liam Williams yn dychwelyd i'r Scarlets ac Alun Wyn Jones a James King yn dychwelyd i'r Gweilch.

Nôl i'r Gleision fydd Lou Reed a Lloyd Williams yn mynd.

Fe wnaeth Alun Wyn Jones ddod oddi ar y fainc ym muddugoliaeth Cymru o 26-9 yn erbyn Yr Eidal ym Mhencampwriaeth y Chwe Gwlad ddydd Sadwrn.

Doedd o ddim wedi chwarae dros Gymru na'r rhanbarth ers cael anaf.

Fe fydd y Dreigiau yn croesawu Leinster i Rodney Parade nos Wener a bydd y Scarlets yn croesawu Caeredin i Barc y Scarlets nos Wener.

Bydd Y Gleision yn teithio i Glasgow nos Wener cyn i'r Gweilch deithio i wynebu Munster ddydd Sadwrn.