Gwerthiant papurau newydd Cymru yn parhau i ostwng

Y Western Mail a'r Daily Post
Mae gwerthiant papurau newydd Cymru wedi gostwng

Mae gwerthiant papurau newydd yng Nghymru yn parhau i ostwng, yn ôl y ffigyrau diweddara.

Yn ôl ABC, y sefydliad sy'n cofnodi gwerthiant, fe wnaeth bob un o bapurau dyddiol Cymru weld eu gwerthiant yn gostwng yn ail hanner 2012.

Y South Wales Evening Post yn y de orllewin sy'n parhau â'r gwerthiant uchaf, sef cyfartaledd o 34,873.

Ond roedd hynny yn ostyngiad o 9.1% o'i gymharu â Gorffennaf-Rhagfyr 2011.

Fe welodd y rhan fwyaf o bapurau wythnosol yng Nghymru hefyd ostyngiad yn nifer y darllenwyr

Ar y llaw arall bu cynnydd yn nifer y bobl fu'n darllen gwefannau'r papurau newydd.

PAPUR NEWYDD GWERTHIANT (GOSTYNGIAD%)
South Wales Evening Post 34,873 (9.1%)
Daily Post 29,577 (3.4%)
South Wales Echo 28,895 (6.8%)
Western Mail 23,035 (11.1%)
South Wales Argus 20,589 (7.1%)
Leader 14,545 (6.1%)

Bu cynnydd yn nifer defnyddwyr gwefannau'r Daily Post, yr Evening Post a'r Western Mail.

Bu cynnydd o 53.% yn nefnyddwyr thisissouthwales (Evening Post), o'i gymharu â'r llynedd.

Mae 18,640 ar gyfartaledd yn ymweld â'r we yn ddyddiol a 380,128 yn fisol.