Dal tri wnaeth ddianc o garchar

  • 28 Chwefror 2013
(O'r chwith) Stephen Booth, Jason Morris, John Phillips
Cafwyd Stephen Booth, Jason Morris a John Phillips yn euog o ddwyn

Dywedodd Heddlu Gwent eu bod wedi dal tri dyn oedd wedi dianc o garchar agored yn Sir Fynwy.

Roedd Stephen Booth, 34, Jason Morris, 38, a John Phillips, 28 wedi mynd ar goll o garchar Prescoed nos Fawrth.

Roedd y tri wedi eu cael yn euog o droseddau gwahanol o ddwyn.

Dywedodd Heddlu Gwent eu bod wedi dod o hyd i'r tri a'u bod yn y ddalfa tan iddyn nhw gael eu dychwelyd i'r carchar.

Credir eu bod wedi eu canfod mewn eiddo yn ardal Casnewydd nos Fercher.