Damwain farwol: Apêl

Heddlu
Digwyddodd y ddamwain ddydd Sadwrn

Mae Heddlu'r Gogledd yn ymchwilio i ddamwain farwol ar Ynys Môn ddydd Sadwrn.

Bu farw dyn lleol 32 oed a chafodd tri eu hanafu yn y ddamwain ar yr A5025 i'r gogledd o Lanfaethlu tua 2:00am.

Mae dyn lleol 23 oed wedi cael ei arestio.

Aed â'r tri a gafodd eu hanafu i Ysbyty Gwynedd, Bangor, ond nid yw eu hanafiadau yn ddifrifol.

Mae'r heddlu yn apelio ar unrhyw un â welodd y car Ford Fiesta coch yn cael ei yrru cyn y ddamwain i gysylltu â nhw ar 101.