Elw cwmni yswiriant Admiral yn codi 15% i £345 miliwn

  • 6 Mawrth 2013
Arwydd Admiral
Bydd 6,500 o staff Admiral yn derbyn cyfranddaliadau gwerth £3,000 am ddim

Mae cwmni yswiriant Admiral, sydd â'i bencadlys yng Nghaerdydd, wedi cyhoeddi cynnydd o 15% mewn elw.

Mae'r ffigurau'n dangos elw cyn-treth o £345 miliwn ar gyfer y flwyddyn hyd at fis Rhagfyr 2012, o'i gymharu â £299 miliwn ar gyfer y flwyddyn flaenorol.

Bydd 6,500 aelod o staff nawr yn cael cyfranddaliadau gwerth £3,000 am ddim fel rhan o gynllun arbennig.

Yn ôl Alastair Lyons, cadeirydd y grŵp - sydd hefyd â swyddfeydd yn Abertawe a Chasnewydd - dyma "flwyddyn fwya' llwyddiannus" y cwmni hyd yma.

Ychwanegodd: "Wrth edrych yn ôl dros yr 20 mlynedd diwetha', hoffwn ddiolch i bawb sydd wedi'n helpu i greu busnes mor gadarn."

Roedd trosiant y grŵp wedi codi 1% i £2.22 biliwn.

Ond yn 2011, dywedodd y cwmni fod eu trosiant wedi cynyddu 38% i £2.19 biliwn, tra bod nifer y cwsmeriaid hefyd wedi codi 22% i 3.36 miliwn.

Mae Admiral yn berchen ar nifer o gwmnïau eraill fell Confused.com, Elephant.co.uk a Diamond.