Gêm gyfartal i Gasnewydd yn erbyn Gateshead oddi cartref

Clwb Pêl-droed Casnewydd Image copyright Other
Image caption Gêm gyfartal i Gasnewydd yn erbyn Gateshead

Gateshead 0-0 Casnewydd

Methu cyfle i godi o'r pedwerydd safle yn y tabl wnaeth Casnewydd nos Iau gyda gêm gyfartal ddi-sgôr oddi cartref yn erbyn Gateshead.

Roedd y gêm yma wedi ei gohirio bedair gwaith oherwydd y tywydd ac fe gafodd y gêm ei chynnal ar gae Boston Uited, York Street, oedd wedi golygu taith o 368 milltir i gefnogwyr Gateshead ar gyfer "gêm cartref".

York Street oedd y cae agosaf mwya' addas er mwyn i'r gêm gael ei chynnal cyn diwedd y tymor ar Ebrill 20.

Mae gan Gasnewydd dair gêm wrth gefn o'u cymharu â Kidderminster sydd ar frig y tabl ac wyth pwynt yn fwy na'r Alltudion.

Mae gan Mansfield a Wrecsam, sy'n ail a thrydydd, dair gêm wrth gefn hefyd.

Dydi Gateshead ddim wedi ennill dim ond un o'u chwe gêm ddiwethaf a dyma oedd y chweched tro i Gasnewydd fethu sgorio'r tymor yma.

Yr ymosodwr Aaron O'Connor gafodd ddau gyfle gorau'r gêm i Gasnewydd yn yr ail hanner.

Ond fe fethodd gyda'r ymgais gyntaf a chanfod y rhwyd wrth iddi wyro i'r dde ond fe wnaeth Adam Bartlett arbediad gwych i atal yr ail ymgais.

Fe fydd Casnewydd yn croesawu Dartford i Rodney Parade ddydd Sadwrn.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1.Kidderminster 41 32 78
2. Mansfield 38 29 77
3. WRECSAM 38 33 72
4. CASNEWYDD 38 21 70
5. Grimsby 38 24 65

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.