Hyde 2-0 Wrecsam

Goliau Scott Hogan a Shay McCartan chwalodd obeithion Wrecsam.

Sgoriodd Hogan yn yr hanner cynta' wedi i Matthew Blinkhorn greu cyfle ac ergydiodd McCartan wedi awr a hanner.

Anodd credu mai hon oedd yr un wythnos yr enillodd Wrecsam Dlws yr FA.

Roedd ganddyn nhw ddigon o feddiant ond y broblem oedd methu troi cyfleoedd yn bwyntiau.

Mae Hyde wedi ennill pum gêm yn olynol ac wedi dianc rhag gwaelodion y tabl.

Casnewydd 0-0 Dartford

Gêm ddifflach ar y cyfan ond yr ail hanner ychydig yn gynhyrfus.

Wedi 45 munud saethodd Andy Sandell ond arbedodd Csaba Somogyi i'r ymwelwyr.

Scott Donnelly gymerodd y gic gornel a llwyddodd Adam Green i glirio o'r lein.

Ddwy funud yn ddiweddarach ym mhen arall y cae Jon Wallis gymerodd y gic gornel a Lenny Pidgeley arbedodd.

Pan droseddodd Tom Bonner cafodd Casnewydd gic rydd. Ergydiodd Scott Donnelly a llwyddodd Csaba Somogyi i arbed unwaith eto.

Bum munud wedyn troseddodd Byron Anthony.

Elliot Bradbrook gymerodd y gic rydd ond arbedodd Lenny Pidgeley.

Diwrnod i'r golgeidwaid oedd hwn.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1.Kidderminster 42 33 81
2. Mansfield 39 30 80
3. WRECSAM 39 31 72
4. CASNEWYDD 39 21 71
5. Grimsby 39 24 66

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.