Uwchgynghrair Cymru

Uwchgynghrair Cymru Image copyright Not Specified

Fe gafodd tair gêm eu chwarae yn Uwchgynghrair Pêl-droed Cymru nos Fawrth - dwy yn hanner ucha'r tabl ac un yn yr hanner gwaelod.

Mae'r Seintiau Newydd wedi ennill y bencampwriaeth yn barod, ond mae'r frwydr am le yn Ewrop yn dal i rygnu 'mlaen.

Fe fydd naill ai Bangor neu Prestatyn yn mynd i Gynghrair Europa y tymor nesaf gan y bydd y ddau yn cwrdd yn rownd derfynol Cwpan Cymru.

Mae'n edrych yn debyg mai dyna unig obaith y ddau o le yn Ewrop gan i Airbus ennill 2-0 yn erbyn Caerfyrddin i ddal eu gafael ar yr ail safle yn y tabl.

Maen nhw dri phwynt o flaen Bangor wedi i'r Dinasyddion ennill o 1-0 ym Mhrestatyn.

Cyfartal oedd hi 1-1 rhwng Aberystwyth a Chei Connah yn yr hanner isaf.

Canlyniadau nos Fawrth

Airbus UK Brychdyn 2-0 Caerfyrddin

Prestatyn 0-1 Bangor

Aberystwyth 1-1 Cei Connah

Tabl Uwchgynghrair Cymru
Gemau Pwyntiau
1. Y Seintiau Newydd 28 64
2. Airbus 29 51
3. Bangor 29 48
4. Port Talbot 29 40
5. Prestatyn 29 37
6. Caerfyrddin 28 36
7. Bala 27 41
8. Llanelli 30 36
9. Aberystwyth 29 34
10. Cei Connah 28 34
11. Y Drenewydd 27 33
12. Lido Afan 27 20

Canlyniadau hanner cynta'r tymor

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.