Carchar: Cyngor Wrecsam yn awgrymu safleoedd

Mae Cyngor Wrecsam wedi awgrymu dau safle allai fod yn addas ar gyfer carchardai i'r Weinyddiaeth Cyfiawnder.

Parc Kingmoor a safle Firestone yw'r ddau le sydd wedi eu cynnig.

Perchennog preifat sydd biau Parc Kingmoor a Llywodraeth Cymru sydd yn gyfrifol am Firestone.

Mae'r lleoliadau ar Stad Ddiwydiannol Wrecsam.

Gogledd

Eisoes mae galwadau wedi bod i gael carchar yng Ngogledd Cymru wrth i wleidyddion ddweud y byddai'n hwb i'r economi leol.

Safleoedd eraill y mae Llywodraeth San Steffan yn eu hystyried yw Llundain a Gogledd Orllewin Lloegr.

Dywedodd y cynghorydd lleol Neil Rogers: "Byddai cael carchar yn Wrecsam yn hwb economaidd anferth i'r ardal.

"Byddai hefyd o fudd i'r carcharorion o'r ardaloedd cyfagos gan y byddai'n bosib' iddyn nhw weld eu teuluoedd a'u ffrindiau yn fwy aml."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.