Morgannwg yn dechrau'n wych

Michael Hogan Image copyright Arall
Image caption Cipiodd Michael Hogan ddwy wiced ar y bore cyntaf

Cafodd Morgannwg ddechrau gwych i'w gêm ym Mhencampwriaeth y Siroedd yn erbyn Sir Gaerhirfryn ym Mae Colwyn ddydd Mercher.

Y ddau fowliwr newydd, Michael Hogan a Michael Reed, ddechreuodd y difrod wedi i'r ymwelwyr alw'n gywir a dewis batio.

Ar un cyfnod roedd yr ymwelwyr yn 66 am 5 wiced cyn sicrhau cyfanswm o 123 yn eu batiad cyntaf.

Roedd y llain yn anodd i'r ddau dîm, ac roedd hi'n waith araf i fatwyr Morgannwg wrth ymateb.

Roedd bowliwr Lloegr, James Anderson, ar ei orau hefyd, ac fe gipiodd dair o wicedi Morgannwg.

Ond trwy ddyfalbarhâd mae'r tîm cartref bron wedi dod yn gyfartal â sgôr yr ymwelwyr, ac ond wedi colli pedair wiced erbyn i'r chwarae ddod i ben.

Sgoriodd Will Bragg 34 a Marcus North 22 wrth i Forgannwg gyrraedd 110 am 4 ar ddiwedd y dydd.

Morgannwg v Sir Gaerhirfryn - Pencampwriaeth y Siroedd, Ail Adran; Bae Colwyn

Sgôr ddiweddaraf (diwedd y diwrnod cyntaf)

Sir Gaerhirfryn - (batiad cyntaf) 123

Morgannwg - (batiad cyntaf) 110 am 4 wiced

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.