Tad yn gwadu llofruddio ei fab 24 oed

Joshua Reece Davies Image copyright SW Police
Image caption Bu farw Joshua Reece Davies y penwythnos diwethaf

Mae dyn 54 oed wedi gwadu llofruddio ei fab, a gafodd ei ddarganfod wedi'i drywanu yng nghartref y teulu yng Nghaerdydd.

Yn Llys y Goron Caerdydd, fe blediodd Neil John Davies yn ddi-euog i'r cyhuddiad ei fod wedi lladd ei fab, Joshua Reece Davies.

Roedd y dyn 24 oed wedi cael ei ddarganfod wedi cael ei drywanu ar ôl iddo fod yn gwylio gêm rygbi rhwng Cymru a Lloegr.

Cafodd y gwasanaethau brys eu galw i'r fflat yn Llanrhymni, Caerdydd, yn gynnar ar fore Sul, Mawrth 17.

Bu farw yn yr ysbyty yn ddiweddarach.

Clywodd y llys fod gan Mr Davies anafiadau i'w wddf, ei frest a'i abdomen.

Fe siaradodd ei dad i gadarnhau ei enw a chyflwyno ei ble yn unig.

Cafodd ei gadw yn y ddalfa a bydd yr achos yn ei erbyn yn dechrau ar Fedi 16.

Straeon perthnasol