Pledio'n euog i lofruddio ei gariad

Charmaine MacMuiris Image copyright Arall
Image caption Roedd ei gariad yn 37 oed

Mae dyn 28 oed wedi cyfaddef iddo lofruddio ei gariad Ddydd Nadolig.

Fe newidiodd David O'Sullivan o Gaerfyrddin ei ble ar ddechrau'r achos yn Llys y Goron Abertawe fore Llun.

Daethpwyd o hyd i gorff Charmaine MacMuiris, 37 oed, yng nghartref Mr O'Sullivan ar Ragfyr 25, 2012.

Bydd yn cael ei ddedfrydu'n hwyrach.

Dathlu

Roedd wedi gwadu'r cyhuddiad yn wreiddiol cyn cyfaddef llofruddio'r fam i dri o blant rhwng Rhagfyr 23 a 26.

Clywodd y llys ei bod hi wedi penderfynu mynd i'w gartre' i ddathlu'r Nadolig.

Dechreuodd ei theulu boeni oherwydd nid oedd yn bresennol ar gyfer pryd teuluol yn hwyrach Ddydd Nadolig.

Yn fuan wedi i'w chorff gael ei ddarganfod dywedodd ei rhieni, John a Christine,: "Rydyn ni'n torri'n calonnau fel teulu oherwydd colli'n merch bert.

"Fydd ein bywydau ni fyth yr un peth.

"Ni ddylai unrhyw deulu orfod wynebu'r fath drasiedi."

Straeon perthnasol