Llofruddiaeth ddwbl: dyn yn y ddalfa

Heddwas ar Stryd Newton
Image caption Mae presenoldeb yr heddlu yn parhau ar Stryd Newton

Mae dyn 23 oed yn y ddalfa ar ôl ymddangos yn llys ynadon fore Llun wedi ei gyhuddo o lofruddio ei fam a'i chwaer.

Cafodd John Jenkin ei arestio yn fuan wedi i'r heddlu alw yn Stryd Newton yn Millom, Cumbria, ddydd Sadwrn.

Daethpwyd o hyd i gorff Alice McMeekin, 58 oed yn ei thŷ a chorff menyw arall.

Dydy'r ail gorff ddim wedi cael ei adnabod yn ffurfiol eto ond y gred yw mai corff Kathryn Jenkin, 20 oed o Aberdâr, yw e.

Roedd ci'r teulu hefyd wedi marw ac mae Mr Jenkin hefyd yn wynebu cyhuddiad o greulondeb i anifail.

Mae profion post mortem yn cael eu cynnal ddydd Llun.

Straeon perthnasol