Donaldson yn dal yn y ras

Jamie Donaldson Image copyright Reuters
Image caption Jamie Donaldson yn cipio Pencampwriaeth Abu Dhabi yn gynharach eleni

Mae Jamie Donaldson yn dal yn y ras i ddal ei afael ar Bencampwriaeth Golff Iwerddon ar gwrs Carton House yn Maynooth, Swydd Kildare.

Ar ddiwedd ei ail rownd, roedd bedair ergyd yn well na'r safon yn dilyn rownd o 71 ddydd Gwener.

Mae hynny'n ei adael bum ergyd y tu ôl i'r ceffylau blaen hanner ffordd drwy'r gystadleuaeth.

Fe gipiodd Donaldson Bencampwriaeth Iwerddon yn 2012 - ei fuddugoliaeth gyntaf ar gylchdaith Ewrop erioed - cyn ennill ei ail gystadleuaeth ar y gylchdaith yn Abu Dhabi ym mis Ionawr eleni.

Dim cystal hwyl

Chafodd y Cymry eraill ddim cystal hwyl arni yn Maynooth.

Mae Stephen Dodd yn un arall sydd wedi ennill Pencampwriaeth Agored Iwerddon a hynny yn 2005.

Dyw e heb ddechrau ei ail rownd ond fe gafodd rownd o 71 ar y diwrnod cyntaf sy'n golygu ei fod un yn well na'r safon.

Mae'n annhebyg y bydd y tri arall yn cymhwyso ar gyfer y drydedd rownd.

Mae'r tri - sy'n cynnwys y golffiwr amatur Rhys Pugh - yn waeth na'r safon ar hyn o bryd.

Pencampwriaeth Agored Iwerddon: Cwrs Carton House, Maynooth, Swydd Kildare :-

=1. Peter Uihlein (Unol Daleithiau) = -9

=1. Robert Rock (Lloegr) = -9

=3. Jose Maria Olazabal (Sbaen) = -7

=3. Oscar Floren (Sweden) = -7

=3. Joost Luiten (Iseldiroedd) = -7

Manylion y Cymry :-

=9. Jamie Donaldson = -4

Stephen Dodd = -1

Rhys Pugh (A) = +1

Philip Price = +3

Rhys Davies = +4

Straeon perthnasol