Dim medal i Jade Jones

Jade Jones Image copyright BBC Sport
Image caption Jade Jones oedd aelod ieuengaf tîm Prydain i ennill medal aur yng Ngemau Olympaidd 2012

Mae Jade Jones wedi colli'r cyfle i gael medal wedi iddi gael ei threchu gan ei gwrthwynebydd yn y gamp Taekwondo ym Mhencampwriaeth y Byd.

Roedd hi wedi cyrraedd rowndiau'r wyth olaf ond Mayu Hamada o Japan oedd yn fuddugol.

Mi lwyddodd y ferch 20 oed i ymladd yn ôl gan wneud y sgôr yn gyfartal 2-2 ond fe gollodd wrth i'w gwrthwynebydd gipio pwynt olaf.

Yn yr un gystadleuaeth ddwy flynedd yn ôl mi lwyddodd y ferch o'r Fflint i ennill dwy fedal arian ac roedd hi'n ymddangos y byddai yn gwneud yn dda eleni eto wedi iddi drechu Sousan Hajipourgoli o Iran a Martina Zubcic o Groatia.

Roedd hi hefyd wedi llwyddo i guro Hamada yn y gemau Olympaidd y llynedd.

Dywedodd ei bod wedi ei siomi: "Dw i wedi fy niffeithio ac mae'r tîm yn teimlo un peth hefyd. Dim ond 20 oed ydw i ac mae gen i 10 mlynedd arall i fod yn bencampwr y byd sawl gwaith ond dw i jest wedi fy siomi fy mod i un pwynt i ffwrdd o gael medal."

Yn y Gemau Olympaidd yn Llundain y llynedd fe enillodd y fedal aur.

Straeon perthnasol