Merched dan 19 Cymru 0-1 Merched dan 19 Denmarc

Jess Fishlock
Image caption Mae capten Tîm Merched Cymru Jess Fishlock wedi bod yn hyfforddi'r tîm dan 19

Mae merched dan 19 Cymru wedi colli o un gôl yng ngêm agoriadol Pencampwriaeth UEFA sy'n cael ei chynnal yng Nghymru.

Nikoline Frandsen sgoriodd i Ddenmarc gydag ychydig mwy nag awr ar y cloc ym Mharc y Scarlets.

Chwaraeodd Cymru'n dda am gyfnodau hir, gan lwyddo i gadw tîm talentog Denmarc rhag sgorio yn yr hanner cyntaf.

Gêm gyntaf

Ond ofer fu eu hymdrechion yn y pen draw wrth i Frandsen sgorio gôl glyfar o gic rydd Anna Fisker wedi 61 munud.

Hon oedd gêm gyntaf tîm Cymru yn y bencampwriaeth ond roedden nhw bron â dod yn gyfartal yn erbyn tîm gyrhaeddodd y rownd gynderfynol y llynedd.

Roedd eu perfformiad yn galonogol a phwyson nhw tan y chwib ola'.

Bydd gêm nesaf Cymru yn erbyn Lloegr ym Mharc Richmond, Caerfyrddin, ddydd Mercher Awst 22 a Denmarc yn herio Ffrainc yn Stebonheath yn Llanelli.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.