Morgannwg ymhell ar y blaen yn erbyn Sir Gaerlŷr

Clwb Criced Morgannwg Image copyright Glamorgan CCC

Mae Morgannwg ymhell ar y blaen yn erbyn Sir Gaerlŷr yn eu gêm ym Mhencampwriaeth y Siroedd.

Ar ddiwedd y trydydd diwrnod mae Caerlŷr 171 rhediad tu ôl i gyfanswm batiad cyntaf y tîm cartref o 508.

Yn ogystal â sgoriau mawr Murray Goodwin (178), Mark Wallace (86) a Jim Allenby (78) i Forgannwg, daeth cyfraniadau gwerthfawr ar waelod y batiad gan Graham Wagg (32) a Michael Hogan (27 heb fod allan).

Dim ond pedwar pelawd a chwaraewyd yn ystod y prynhawn oherwydd glaw.

Mae'n edrych yn bur debyg mai mwy o law ydy unig obaith y tîm o Loegr, ond dyw rhagolygon y tywydd ddim yn edrych yn ffafriol iddynt.

Sgôr ddiweddaraf(Diwedd y trydydd diwrnod ym maes Sain Helen yn Abertawe):

Sir Gaerlŷr (batiad cyntaf) = 203 pawb allan

Morgannwg (batiad cyntaf) = 508 am 9 (cloi'r batiad)

Sir Gaerlŷr (ail fatiad) = 134 am 2 (46.0 pelawd)

Sir Gaerlŷr 171 tu ôl i Forgannwg.

Straeon perthnasol