Gateshead 0 - 3 Wrecsam

Brett Ormerod
Image caption Yr hen ben Brett Ormerod sgoriodd gôl gyntaf y gêm

Mae Wrecsam wedi rhoi cweir i Gateshead gan sicrhau eu hail fuddugoliaeth yn olynol.

Roedd hi'n ddi-sgôr tan y 55ain munud pan roddodd Brett Ormerod Wrecsam ar y blaen gyda pheniad profiadol oddi ar ben profiadol - mae Ormerod yn 36.

Cafodd gefnogwyr yr ymwelwyr gyfle arall i ddathlu o fewn 10 munud wrth i Steve Tomassen ei gwneud hi'n 2-0 gydag ergyd dderbyniol o du fewn y blwch cosbi.

Rhoddodd gôl olaf y gêm - gan Andy Bishop - wên ar wyneb y rheolwr, Andy Morell.

Roedd pethau'n edrych yn ddu iddo wythnos yn ôl ond mae'r fuddugoliaeth ddiweddaraf yn lleddfu ychydig o'r pwysau oddi ar ei ysgwyddau.

Straeon perthnasol