Menyw ar goll: heddlu yn apelio am wybodaeth

Lynette Manley Image copyright Heddlu'r De
Image caption Dyw Lynette Manley sydd yn 39 oed ddim wedi ei gweld ers ddydd Iau

Mae'r heddlu yn apelio am wybodaeth er mwyn dod o hyd i fenyw 39 oed o Lanisien.

Cafodd Lynette Manley ei gweld am y tro diwethaf yn yr Eglwys Newydd ddydd Iau, ac mae'r heddlu yn dweud eu bod yn pryderu.

Mae swyddogion wedi edrych amdani yn ei chartref ac mewn dau leoliad y mae'n mynd iddynt yn aml sef mynwent Glyntaf ym Mhontypridd a pharc hamdden yn Y Rhath, ond dyw hi ddim wedi dod i'r fei.

Disgrifir Lynette Manley fel menyw wyn, pum troedfedd tair modfedd o uchder gyda gwallt syth i'w hysgwyddau.

Gofynnir i unrhyw un sydd wedi ei gweld neu sydd gydag unrhyw wybodaeth i gysylltu gyda'r heddlu ar y rhif 101.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.