Adfywio Eglwys yng Nghaerdydd

Mosaig Image copyright Eglwys yng Nghymru
Image caption Bydd y mosaig yn cael ei ddadorchuddio mewn gwasanaeth arbennig ddydd Sul

Bydd gwaith adfywio i eglwys yng Nghaerdydd yn cael ei ddadorchuddio ddydd Sul.

Mae mosaig yn dangos Iesu Grist a cyfres o ffenestri enfawr wedi eu creu ym mynedfa Eglwys Sant Martin yn ardal y Rhath.

Cyn Archesgob Caergaint, yr Arglwydd Williams o Ystumllwynarth fydd yn dadorchuddio'r celfi newydd, cyn arwain gwasanaeth arbennig yn yr eglwys.

Dywedodd y Tad Irving Hamer o Eglwys Sant Martin: "Roedden ni eisiau coroni'r mynediad i'r eglwys ac adio lliw i flaen yr adeilad, rhywbeth mae'r mosaig yn llwyddo i wneud yn arbennig o dda.

Trawsnewid

"Mae'r holl brosiect wedi trawsnewid blaen yr adeilad a chanfyddiad pobl o'r lle.

Image copyright Eglwys yng Nghymru
Image caption Eglwys Sant Martin yn y Rhath, Caerdydd

"Mae'r gwydr ar flaen yr adeilad bellach yn le i bobl gwrdd, cynnal arddangosfeydd a chymdeithasu.

"O'r tu allan mae'n edrych fel lle delfrydol i fod oherwydd y ffenestri mawr.

"I gwblhau blaen y fynedfa roedden ni eisiau llun traddodiadol o'r Iesu oedd yn hawdd ei adnabod, ac mae'r mosaig yn gwneud hynny."

Cafodd y mosaig ei ddylunio a'i chreu gan Aidan Hart o'r Amwythig.

Bydd gwasanaeth arbennig i ddadorchuddio'r celfi yn cael ei gynnal ddydd Sul am 5.00pm.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.