Aldershot 2 - 0 Wrecsam

Aldershot 2 - 0 Wrecsam Image copyright Getty Images
Image caption Mae'r golled yn rhoi Wrecsam yn y 16eg safle yn y Gyngres

Aldershot 2 - 0 Wrecsam

Mae Aldershot wedi dod a rhediad o ganlyniadau da i Wrecsam i ben gyda buddugoliaeth o 2 - 0.

Wedi 45 munud cyfartal yn yr hanner cyntaf, roedd Mark Moseley yn y lle cywir i wneud y mwyaf o gamgymeriad gan Jay Harris i saethu heibio Joslain Mayebi ychydig wedi awr o chwarae.

Cafodd Wrecsam gyfle i ddod yn ôl i'r gêm ond doedd Andy Bishop methu gwneud y mwyaf o'r siawns.

Daeth Jordan Roberts ymlaen i Aldershot a sgorio'r ail gôl i'r tîm cartref gydag ond 10 munud yn weddill.

Mae'r golled yn ergyd i Wrecsam wedi iddyn nhw gael dechreuad caled i'r tymor, a dywedodd y rheolwr Andy Morrell nad oedd y perfformiad ddigon da.

"Doedden ni ddim yn haeddu ennill. Doedd y tîm ddim digon da, ddim hyd yn oed yn agos," meddai.

"Roedd y gwahaniaeth o'r perfformiad ddydd Mawrth yn enfawr."

Hwn oedd pumed fuddugoliaeth Aldershot y tymor yma, ond maen nhw'n parhau yn y pedair isaf wedi iddyn nhw golli 10 pwynt cyn dechrau'r tymor.

Aldershot Wrecsam
Morris Goodman Webster Barker Stanley Rowlands Oyeleke Molesley Young (Roberts - 67' ) Williams Paterson (Gibbs - 90' ) Mayebi Ashton Tomassen Ntame Artell Clarke Harris Hunt (Carrington - 86' ) Theo Bailey-Jones (Cieslewicz - 53' ) Bishop Ormerod (Ogleby - 66' )